Миссионерларга «ушбу Инжилдаги шажаранинг Исо алайхиссаломга алокаси йўк, Юсуфнинг шажараси-ку, шажарадаги исмларнинг чалкашликларига кандай изох берасиз?» - дейилса, улар сукут саклашади, сабаби…
Хозирги мавжуд «Инжил»лар сохта устозларнинг уйдирмаларидан иборат эканлиги хусусидаги бир мухим масала хазрати Исо алайхиссаломнинг насл-насаб шажаралари кўрсатиб турибди. Ушбу мавзу хам «Инжил» аталмиш китобларнинг ўзаро ихтилофларга тўлалигига ёркин далилдир. Бунака ихтилофлар носаро динининг II-III асрлардаёк адашиб кетганига хужжат бўлади.
Эски ахдда келган башоратларда айтилишича: «Бани Исроил кутаётган Масих Довуд алайхиссалом, хонадонидан чикиши лозим эди». Ким ўзини «Масих» деб эълон килса, Довуд алайхиссаломнинг подшохлик сулоласига мансублигини «исботлаши» керак эди. Акс холда бундай одамлар Бани Исроил тарафидан рад этилар эди. Янги ахд муаллифлари томонидан тузилган шубхали шажара хам асосан Бани Исроилга каратилган ва Исо алайхиссаломни Довуд алайхиссалом сулолаларининг давомчиси килиб кўрсатилган. Улар Аллох таолонинг Исо алайхиссаломни отасиз дунёга келтирганлик мўъжизасига ахамият бермасдан аллакандай анъанага содик колишган. Матто ва Лука баён этган шажаранинг тўкималиги кўзга ташланса-да, негадир черков рухонийлари буни сезмаган бўладилар ва кўпинча бу масалани четлаб ўтадилар. Бу шажарага хатто насроний динининг асосчиларидан Павел хам салбий муносабат билдирган эди. Эдис шахридаги биродарларига юборган биринчи мактубида Павел: «...Афсоналар ва бепоён шажаралар билан банд бўлмасликларини буюр. Булар хаёлпарастликка сабаб бўлади, холос. Лекин илохий режа рўёбга чикиши учун иймон керак »(1-Тимофейга, 4 жумла) деб ёзиб юборган эди.
Инжилшунос олимлар, ўша пайтлар хар хил шажара тузиш одатлари кенг таркалганини ўрганишган. Эхтимол, Матто ва Лука хам шу мухит таъсирида шажаралар тузган. Аслини олганда, Матто ва Лука хатога йўл кўйган эди. Эътикодга, мантикка зид бўлган шажара билан овора бўлиб, улар Довуд алайхиссаломни сулоласини (Марям эри) Юсуфга боглашган, холбуки (Марям эри) Юсуф Исо алайхиссаломнинг отаси бўлмаган. Ушбу шажаранинг боши берк кўчага кириб колганига хануз черков рухонийлари жавоб топа олмаяптилар. Жавоб топиш ниятида хар-хил бўлмагур сафсаталарни тўкиб чикаришлар бўлган, лекин кўпчилик бу сафсаталарни рад этган.
Савол тугилади: Исо алайхиссалом Мукаддас Рух воситасида дунёга келгани аник бўлганидан сўнг, Матто ва Лука баён этган хушхабардаги насл-насаб шажарасининг Исо алайхиссаломга канчалик алокаси бор? Ахир Исо алайхиссаломни Аллох таоло дунёга отасиз бежиз келтирмаган-ку. Биз мусулмонлар Исо алайхиссаломнинг отасиз дунёга келганларига иймон келтирамиз. У зотнинг отасиз дунёга келганларига шак-шубха хам килмаймиз. Исо алайхиссаломнинг пайгамбарлигига ишонишимиз учун шажараларнинг хожати йўк, бизга Аллох таолонинг каломи кифоя: «Албатта, Ийсонинг (отасиз тугилишининг) мисоли Аллох наздида худди Одамнинг мисоли кабидирки, уни тупрокдан яратиб, сўнгра «Бўл», деди. Бас у (жонли одам) бўлди. (Оли Имрон 59-оят мазмуни) «Инсонлар ўлчови ва кўникмаларига биноан каралса, Исо алайхиссаломнинг тугилишлари одамни хайратга солувчи, гайритабиий ходиса хисобланади. Шунинг учун ахли китоблар, хусусан, носаролар Исо алайхиссалом хакларида, хоссатан, у кишининг тугилишлари хакида ихтилофлар килишган. У киши отасиз дунёга келганлари учун турли-туман афсоналар, бекорчи хаёлларни тўкиганлар.
Холбуки, ахли китоблар Одам алайхиссаломни тупрокдан яратилганини, Аллохнинг пуфлаши окибатида жон кирганини яхши билишади. Бу хакда хеч кандай ихтилоф килишмайди. Йўк ердан Одам алайхиссаломни яратган зот Исо алайхиссаломни тирик юрган Марямдан отасиз холда ярата олмайдими?! Аллохнинг хар бир нарсага кодир эканлигига ишонган эси бор одам бўлса икрор бўлади.
Аллох таоло инсоннинг дунёга келишига ота-онани сабаб килиб кўйган. Ота-онанинг кўшилиши окибатида инсон дунёга келиши ходисаси доимий такрорланаверганидан одам шу кўриб турган тажрибасига суяниб, сабабчиларни асосчининг ўрнига кўйиб юборади, ота - она бўлмаса, бола бўлмайди, деган хукмни чикаради. Аллох агар хохласа, ота онасиз хам инсонни дунёга келтира олиши мумкинлигини эсдан чикаради. Бу хакикатни бандаларининг эсига солиб туриш учун Аллох таоло баъзан умумий коидадан ташкари чикиб, айрим нодир ишларни килиб, одамларнинг кўзига кўрсатиб кўйган. Масалан, фарзанд дунёга келишининг асосий сабабчилари ота - она эмас, балки Аллох эканлигини билсинлар учун баъзиларни тухмас ё тугдиролмас килиб кўйган. Ота - онанинг кўшилиши бола тугилишининг асосий сабаби бўлса, нима учун бир бирига кўшилган хамма ота онадан бола тугилавермайди?! Холбуки, Аллох Одам атони отасиз ва онасиз яратди. Аёлсиз, факат эркак кишидан хам инсон пайдо бўлиши мумкинлигининг исботига Одам атодан момо Хавони яратди. Эркаксиз, факат аёлдан хам инсон дунёга келиши мумкинлигини эса, Биби Марямдан Исонинг тугилиши исботлайди. Ха, Аллох хар бир ишга кодир зотдир. «Бўл!» деса, бас, хохлаган иши бўлади».(Тафсири Хилол, Оли Имрон, 59-оят тафсири))
Куръони-каримнинг кўп оятларида Исо алайхиссаломнинг отасиз тугилишлари хакида хак маълумотлар келган. Шулар, биз мусулмонларга етарли хужжатдир. Насроний дин акидаси бўйича хам Исо алайхиссалом отасиз дунёга келганлар. Аммо мавжуд хушхабарларда Исо алайхиссалом билан Иброхим алайхиссалом ўрталарида Матто кирк бир отани (Матто 1,1-16), Лука эса эллик беш ота борлигини бизларга баён килади. (Лука 3, 23-34) Шажарага бир назар ташласангиз унинг бир-бирига ўхшамаслигини кўрмасдан иложингиз колмайди, лекин носаролар кўриб, билиб турсалар хам хакикатни яшириб: “Инжилда ихтилофлар бўлиши мумкин эмас”, дейдилар. Хатто, баъзи черков вакиллари: «биринчи хушхабарчи Марям Эри Юсуфнинг шажарасини, бошкаси эса биби Марямнинг шажарасини келтирган» деб вазиятдан чикиб кетмокчи бўладилар. Аммо ахвол улар ўйлаганчалик эмас, сабаби иккита насл-насаб шажараси хам (Марям эри) Юсуф билан богланган.
Исо Масихнинг насл-насаби
Матто (1-1:16)Лука баён этган
хушхабардаги Исонинг
насабномаси
Лука (3-23:34)Иброхим (алайхиссалом)
Исхок (алайхиссалом)
Ёкуб (алайхиссалом)
Яхудо
Парас
Хасрўн
Арам
Амминадаб
Нахшўн
Салмўн
Бўаз
Обид
Ишай
Довуд (алайхиссалом)
Сулаймон (алайхиссалом)
Рахабаъм
Абиё
Осо
Йўшафат
Йўрам
Уззиё
Йўтам
Ахаз
Хизкиё
Манаше
Амўн
Йўшиё
Йўаким
Якўниё
Шаалтиэл
Зарубобил
Абихуд
Элёким
Азўр
Садўк
Ахим
Элихуд
Илъазар
Маттан
Ёкуб
Юсуф (Марям эри)
Иброхим (алайхиссалом)
Исхок (алайхиссалом)
Ёкуб (алайхиссалом)
Яхудо
Парас
Хасрўн
Ром
Амминадаб
Нахшўн
Салмўн
Бўаз
Обид
Ишай
Довуд (алайхиссалом)
Натан
Маттато
Манно
Малиё
Элёким
Юнус
Юсуф
Яхудо
Шимъўн
Левий
Маттот
Ёрим
Илъазар
Йўшуа
Гер
Элмодам
Косам
Аддий
Малкий
Нерий
Шаълтиэл
Заруббобил
Резо
Юханно
Йўдо
Йўсех
Шимъий
Маттатиё
Махат
Нагай
Хесли
Нахум
Амос
Маттатиё
Юсуф
Янай
Малкий
Левий
Маттот
Эли
Юсуф(Марям эри)
Исмларнинг кўпи чалкаш – Маттода бошка, Лукада бошка. Мисол учун, Матто шажарасида Исо алайхиссалом насаблари Довуд алайхиссаломга Сулаймон алайхиссалом оркали богланса, Лука Исо алайхиссаломни Довуд алайхиссаломнинг бошка ўгли Натанга боглайди. Яна бир мисол: Матто (Марям эри) Юсуфнинг отасини Ёкуб деса (Матто 1-16), Лука Эли килиб кўрсатади (Лука 3-23).
Аксарият Инжилшунослар эътирофича, Исо алайхиссалом келтирган хакикий Инжилга якин турувчи Марк хушхабарида хеч канака шажара баён этилмаган. Бундан келиб чикадики, агар Матто тўгри баён этган бўлса, Марк нега шажара хусусида сукут саклайди ёки Лука тўгри шажарани келтирган бўлса, Маттонинг адашаётгани аник эмасми, акс холда Лука ёлгончи бўлган бўлади-ку, кайси бири тўгри? Бизнинг фикримизча (ва кўп олимларнинг фикрлари бўйича хам) энг тўгри жавоб шуки, хеч кайсиси тўгри эмас. Айникса, Матто ва Лукага нисбат берилаётган Инжилларни хаворийлар ёзмагани аник. Бу мухим масалани гарб Инжилшунослари аллакачон исботлаб беришгани маълум ва машхурдир.
Носароларнинг: «Биз Исонинг отасиз дунёга келганига иймон келтирамиз, аммо унинг Довудгача эллик беш отаси бўлган» деб сукут саклаб туришларини хеч тушуниб бўлмайди. Агар уларга: «йўк, Исо алайхиссалом отасиз дунёга келганлар, унинг эллик бешта отаси бўлмаган дейилса, улар яна сукут саклашади, чунки «йўк оталари борлиги мана Инжилда ёзилиб кўйилган-ку» десалар, Инжилнинг тўкималигини тан олиш бўлар эди, хар холда улар боши берк кўчада эканликларини бизлардан хам яхши биладилар, аммо…!!!
Ихтилофларга тўла бу шажаранинг ўзиёк, хозирги мавжуд Инжилларнинг хакикий эмаслигини англатади
Инжилда хушхабарчилар Исо алайхиссалом тугилганидан сўнгги вокеаларни баён килар экан биз яна ихтилофларга дуч келамиз. Кайси бирининг гапи рост экан, деб хайрон бўламиз. Мисол учун: Матто хушхабарида (2-13,14) “Мунажжимлар жўнаб кетганларидан сўнг, Худованднинг бир фариштаси Юсуфга тушида кўриниб: «Ўрнингдан тур!- деди. – Чакалок билан онасини олиб, Мисрга коч ва мен сенга бирор нарса айтмагунимча, у ерда колгин. Чунки Хирод чакалокни кидириб топса, уни халок килиш нияти бор».
Юсуф шу кечасиёк туриб, чакалок билан онасини олиб, Мисрга караб йўлга тушди. Хироднинг ажали етгунигача, у ерда колди. Шу тарика Худованднинг: “Мен Ўглимни Мисрдан чикариб олдим”,- деб пайгамбар оркали айтган сўзи бажо келди”-. дейди, яъни Исо алайхиссаломнинг ота-оналари, Исо тугилгач Байтлахмдан Мисрга кочган эканлар.
Лука эса: Юсуф хомиладор Марям билан бирга рўйхатдан ўтмокчи бўлиб, Жалиланинг Насро шахридан Яхудия-Байтлахм шахрига бориб, Марям Ийсони тугди. (2-боб,4-7) Мусонинг конуни (Таврот)да баён этилган чилла даври (кирк кун) тамом бўлгач, Исони Куддусга олиб келдилар. (2-боб, 22-жумла) ва Худованд Конунида буюрилган бутун удумларни бажо келтирганидан кейин Жалилага, ўз шахарлари Насрога кайтиб бордилар (2,39) Исо ўн икки ёшга тўлганда, улар яна Куддусга бордилар (2,42) кейин Насрога кайтиб келдилар. (2,51), деб баён килади.
Исо алайхиссалом аввалиги кирк кун Байтлахмда, сўнг камида 12 ёшга тўлгунча Носира шахрида бўлганлигини баён килади. Насронийлар эътикодича: «Исо алайхиссалом Худо ёки Худонинг ўгли бўлса», нега «худо» ўлимдан кўркиб, Мисрга кочар экан? Бу Исо алайхиссаломнинг хеч канака Худо эмаслигининг яна бир исботи эмасми?
